Otəşbasti darşiye barədə Boku bə İrəvon jıə ittiham iyən nota.

Azərbaycan Respublika mudafiyə vezarətxonə sərhədədə erməni hərbiçiyon tərəfo çand kərə otəşbasti darşiyeyku xəbəş do.

Bə Fars aqentiyəti raporti əsos, Azərbaycan Respublika mudafiyə vəzərotxonə elanış karde ki zinə erməni hərbiçiyon 70 kərə sədəddi muxtəlif vırəonədə otəş basti arşiyəşone.

Azərbaycan Respublika mudafiyə vezarətxonə ıştə bəyaniyədə əlovəş karde ki halihazirədə iyən Tovuz sərhəd məntəğədə tikəy orom vəziyət icod bıə.

Azərbaycan Respublika mudafiyə vezarətxonə həmçenin təmas xətti bəzi vırəonədə Ermənıstoni həmləonku xəbəş do əmmo elanış karde ki Azərbaycan Respublika hərbiçion həm bə həmonə təcavuzon mınosib reaksia nışo doəşone.

Bəyaniyədə təkid bıə ki Azərbaycan Respublika hərbiçiyon bə sərdədə bıə təmas xətti kamilan əhatəşon heste.

Tojədən xəbə omə ki Azərbaycan Respublika tərəfo bə canqi bino karde mıttəhəm bıə şəxs yəni Ermanistoni i minnə vəzir elanış karde ki fəğət de votımoni vositə bə sulh dast peydo karde bəbe.

Ğərəboği Tovuz sərhəd məntəğədə Azərbaycon Respublika iyən Ermanistoni miyono tojə dıvrə daveon ki Davərdə haftəku bino bıə hələ həm dəvom kardedə iyən çandə tələfoti bois bıə.

Azərbaycan Respublika və Ermənistoni miyono Ğərəboği barədə davoon 1988 nə-soriku bino be və 1992-nə sorədə bə hərbi navi qəte iyən otəş bast muvafiğ omə.

Im canqi nəticəku Ermanistoni hərbion çı Azərbaycan Respublika Ğərəboğ məntəğə iyən 7 qılə hamsuyə şəhrestanon işğal kardeşone.