Amerkə çı Ermənistoni dışmene.
Erməni ekspert Amerkə bə Azərbaycan Respublika hərbi koməkonış Vaşinqtoni anti Erməniston siyosət və dışmenə koon nımonə bə hisobış varde.
Bə Erməni Rədio raporti əsos, Soren Serkisiyan tosə ısət 120 milyon dollar Amerkə bə Azərbaycan Respublika hərbi koməkon vığande çı Amerkə kanqresi qıləy anti Erməni plan zınəş be iyən votışe: ım ko bo Erməniston iyən məntəğə vey xətərnokə nəticəonış bəbe.
Soren Serkisiyan bə ım loyhə bə vırə rosniyeyro Azəri lobbion qıvoninə xərcon işarə iyən təkidış karde, tosə ısət jığo loyhə stajış nıbe və əqər Amerka senatədə jığo plan təsdiğ bıbu de tojə mişkilaton icod karde beynəl xalğ sahədə bo Erməniston vey ziyoni bois bıdə.
Çimi bənav Amerkə Ermənion milli kamissiya Amerkə bə Azərbaycan Respublika hərbi koməkon barədə ıştə niqəroni elan iyən bəyoniyə vositə ğeydış kardə be: çəmə niqəronəti ıme ki Amerkə bə Azərbaycan Respublika hərbi koməkon çı Azərboyconi canq təchizot iyən taktika ğabeliyəti ziyod karde vositə Ermənistoni sərhədədə tojə təhdidon bois bıbu.
