Ermənistoni coqılə bepilot təyyarə məhv be.
Azərbaycan Respublika hərbiçion ijən Çı Ermənistoni qıləy bepilot cəsusə təyyarəşon məhv karde.
Azərbaycan Respublika mudafiə vəzorətxonə nəğliku İRİB raportış doə ki zinə şəv ım kişvəri rəket mudafiə sistem Ermənistoni İKS 55 modelış bıə bepilotə təyyorəş Ağdam şəhri Tovuz mantəğədə cəsusəti karde faxti məhv karde.
Dəvardə 2 ruji mıddətədə ım Ermənistoni 3 minnə bepilotə cəsusə təyyarəy ki de Azərbaycan Respublika rəket mudafiə sistemon vositə məhv bıdə.
Ğərəboği Tovuz sərhəd məntəğədə Azərbaycon Respublika iyən Ermanistoni miyono tojə dıvrə daveon ki Davərdə haftəku bino bıə hələ həm dəvom kardedə iyən çandə tələfoti bois bıə.
Azərbaycan Respublika və Ermənistoni miyono Ğərəboği barədə davoon 1988 nə-soriku bino be və 1992-nə sorədə bə hərbi navi qəte iyən otəş bast muvafiğ omə.
Im canqi nəticəku Ermanistoni hərbion çı Azərbaycan Respublika Ğərəboğ məntəğə iyən 7 qılə hamsuyə şəhrestanon işğal kardeşone.
