Azərbaycan Respublika bə Ermənistoni kardə ittihomon.

Azərbaycan Respublika dıvləti prezident aparati muavin Ermənistoni dıvlətış bə məntəğədə xərabkaranə iyən canqtələbə siyasəton vıjniye mıttəhəm karde.

Bə Fars aqentiyəti raporti əsos, Hikmət Hociyev votışe: Ğərəboğ mənoğişə barədə Boku vey təsirinə roli ifo kardedə əmmo de təəsufi Ermənistoni tərəfo hiç mıtəğobil hərəkəti əncom bə ni.

Hikmət Hociyev əlovəş karde: Ermənistoni dıvlət ijən məntəğədə bəştə xərabkaranə siyasəton dəvom dodə, qələy ko ki çəy doktorin bə İrəvoni hərbi hucumi əsos kəşə bəy ta de tojə canqi vositə sərzəminon işğal bıkə.

Əmmo coqılə xəbə həm ıme ki Ermənistoni cənub şərğədə hərbi manevr bino bıə.

Bə Erməni Rədio raporti əsos, Ermənistoni ərtış ım manevri hədəfış dışmoni vədə hərbion ğudrəti əlovə karde iyən əvoni hozzı oqəte çərçivədə bərpoş karde.

Dəvardə haftəonədə Azərbaycon Respublika həm Ermənistoni sərhəddon nezi de Tırkiyə bə ico mıştərək hərbi manevri dəvoniyəş be.

Ğərəboği davoon 1988 nə-soriku bino be və 1992-nə sorədə de otəş bast zahirən sıə be.

Im canqi nəticədə Ermaniston çı Azərbaycan Respublika Ğərəboğ bandiyə məntəğə iyən 7 qılə çı hamsuyə şəhrestanon işğalış karde.