İronədə əzodorəti mərasimon barədə Azərbaycan Respublika mediaonədə pesoxtə iddio.

Umum iştimaeiyyəti fikon xərob kardeyro Azərbaycan Respublika mediaonədə jığo iddio bıdə ki İronədə əzodorəti mərosimon ğədəğən bıə.

Bə Aranniyuz sayti raporti əsos Yeni Musavat rujnumə tojədən qıləy du-təlbis mətləbi vositə iddioş karde ki İroni de Koronavirusi mubarizə əkə kamisiya təsdiğış kardə ki İronədə İmom Huseyn(ə)-i əzodorəti mərosimon ğədəöəne.

Boku vəhhobi mediaon tərəfo jığonə iddio qıle holədə bəyon bıdə ki Azərbaycan Respublika mısılmonə millət ımsor həm mıhərrəmə manqi əzo mərasimon ğədəğən bey xoto bə dıvləti nohəxə siyosəti eteroz kardedən, xəbə omə həminə eterozonədə iştero kardey bois bıə çandə ım kişvəri məşhur dindar və ruhani dastqir bıbun.

Boku dıvlət pidəşe həmonə islamçionış tosə mıhərrəmə manqi oxo həbsədə oqəto, dastqir bıə kəsonədə çı Tolışə məntəğə dindaron nom həm muşahidə bıdə.

Məvuji Azərbaycan Respublika de Koronavirusi bəhonə ijən anti şiə siyasəton bənav bardeyro tojə koonış vində.

Pesoxtə bıə iddio əks, İronədə ımsornə mıhərrəmə manqi əzo mərasimon iyən İmom Huseyn(ə)-i və çəy bəfodorə əshobi ğəmədə nolə karde de diğğət bə səhiyyəvi prinsipon rioyət karde hərorətin dəvom kardedə.