Cənubi Ğəfğaz osonə ro inkişof doe muğavilə Erməniston iyən Rusiyə miyono imzo bıə.
Sep 04, 2020 11:41 Asia/Tehran
Cənubi Ğəfğaz osonə ro inkişof doe xoto Ermənistoni reqional koon vəzarətxonə iyən Rusiyə nəğliyot vəzarətxonə miyono qıləy muğavilə imzo bıə.
Bə Erməni Rədio zinə ruji raporti əsos, de həminə muğavilə imzo bey vositə, Erməniston və Rusiyə miyono ticari mıbodiləon həmçenin Cənubi Ğəfğaz osonə roy inkişof doe xoto zəminəon hozzı bıdə.
Im saziş zinə Ermənistoni reqional koon vəzarətxonə muavin Armen Simonian iyən Rusiyə nəğliyot vəzarətxonə muavin Velodimir Tukariyefi muzakirəon kənoədə imzo bıə.
Rusiyə çı Ermənistoni vey muhimmə iğtisodi şərikonku bə hisob omeydə.
