Xətibzodə: hərbi və mudafiyə baxşədə Rusiyə çı İron şərike.

İroni xarıci vəzarətxonə sıxanəvot votışe: silah sanksiyaon sə bey həmzəman İron və Rusiyə miyono hərbi və mudafiyə həmkarion vey bəbe.

Səid Xətibzodə bə Spotnik aqentiyəti votışe: mudafiyə həmkarəti çərçivədə İron və Rusiyə miyono mıştərək həmkarion dəvom kardedə iyən dustə kişvəronku silah hırye bə İroni ehtiyacon vabəstəy.

Xətib zodə bə lm məsələ işarəş karde ki Amerkə bə sanksiya noxəşəti adətış kardə iyən mıbtəlo bıə.

Əv həminə məsələ barədə votışe: anti İron təhrim sanksiyaon tısdiğ kardeyro Amerkə harcurnə səy-cəhdon əmələn məhkum be.

İroni xarıci vəzarətxonə sıxanəvot mısohibə co baxşədə əlovəş karde: Amerkə səçın rəğabətonədə hakəs səbarz bıbu bo İron muhim ni, boçi ki ım qıləy daxıli ko heste ki bəmə rəbt-dəxlış ni.