Zaxarova:Qırd dınyo Ğərbi uslubədə mızokirəon çiç bey dərəsin

Pars Tudey-Rusiyə Xarici Koon Vəzirəti sıxanəvot ıştə Teleqram kanalədə nıvıştəşe:Qırd dınyo Ğərbi uslubədə mızokirəon çiç bey dərəsin

Pars Tudey bə IRNA istinodən doə məlumoti əsos,Rusiyə Xarici Koon Vəzirəti sıxanəvot Mariya Zaxarova bə AİŞ devlətə katib Marko Rubio sıxanon cəvobən bə Ğərbi kişfəron ələyh tərəfi mızokirə nıpiyeyədə ittihom kardeyku bo muhoribəy hozzıətiro bınə qıləy vositə istifodə kardey təkid kardəşe. Əv,bın barədə ıştə Teleqram kanalədə nıvıştəşe:Isət qırd dınyo Ğərbi uslubədə mızokirəon çiç bey dərəsin.Zaxarova təkidış kardə ki,Ğərbi kişfəron çımi bənav bə Rusiyə və nəticədə Ukraynadə bə canqi səbəb bıə de Minsk Sazişi əloğədor eyni nəzəşon tətbiğ karde. İron hejo mızokirəonədə hozzı bıə və AİŞ çı dialoqi prinsipikun dim qordınə holədə çe İroni ərazi marzonku dəvardə.AİŞ devlətə katib çe Vaşinqtoni de İroni mızokirəon təşviğ kardey,lakin İroni bə ın mızokirəon qıləy ciddiyə nəzə nıbey iddiyoş kardə.