Xətibzodə: Məntəğədə bıə terroçion işteraki barədə İron de hiç kəsi zərfətış ni.

İroni xarıci vəzarətxonə sıxanəvot ijən İroni şimol sərhəddonədə terrorçion işteraki barədə notaş do və votışe: İron ım məsələ barədə de hiç kəsi zərfət kardedə ni.

Xətibzodə İroni şimol sərhəddonədə terrorçion işteraki barədə Tehroni niqəronəti ijən bəyon və təkidış karde: ım məsələ nə ınki bə Noku və İrəvon bəlkəm bə co rol ifoəkə kişvəron həm elan bıə.

Əv Ğərəboği mınoğişə həl kardeyro İroni bə Azərbaycan Respublika iyən Erməniston doə təklifon barədə həm votışe: omə haftəon barədə bo lm behroni həl kardey solhin roon cəhəto ğədəmon peqətey bəbe.

İroni xarıci vəzarətxonə sıxanəvot Boliviya tojə prezidenti inoqerasiya mərosimədə işterok kardeyro bə İroni xarıci vəzir Muhəmməd Cəvad Zərifi bə ım kişvər iyən peşo bə Kuba və Venesuela səfəri işarəş karde və votışe: Bə Buliviya Muhəmməd Cəvad Zərifi səfər 2 qılə kişvəri əloğəon ijən bə ali səth rəseyku əlomətdore.

Əv Amerkə səçenədə İroni mıdoxiləon barədə Amerkə rəsmi şəxson iddio barədə həm votışe: torixədə heste ki kom kişvər co kişvəron daxıli koon və səçenonədə mıdoxilə kardəşe, kom kişvər hərbi peqardemonon amil be, kom kişvər prezidenton əvəz kardedə yaxot bə co kişvəron cəsus vığandəşe.

Xətibzodə təkidış karde ki İron Amerkə səçenədə mıdoxilə karde pidəş ni və ım çı Amerkə millətin ki bəpe bıvıjnon.

Əv bə Tehron İnqiltərə ıştə ğarzi nıdoey barədə həm votışe: ım ğarz ğətiye və London çəy doeku imtino kardey ro bəpe bəhonə soxteyku diyə ro bıbu.