Ğərəbaği həxədə islami inğilabi yolə rəhbəri bəyonotiku Azərbaycan Respublika təşəkkur.

Bokuədə bə İroni səfir işarəş karde Azərbaycan Respublika xarici koon vəziri muavin,Ğərəbaği munağişə həxədə islami inğilabi yolə rəhbəri bəyonotonku təşəkkurış kardə.

Bokuədə bə İroni səfir  işarəş karde Azərbaycan Respublika xarici koon vəziri muavin,Ğərəbaği munağişə həxədə islami inğilabi yolə rəhbəri bəyonotonku təşəkkurış kardə.

Azərbaycan Respublikaədə bə İroni səfir sed Əbbas Musəvi zinə tıvitter səhifədə nıvıştışe,Ğərəbaği cariyə bıhroni həxədə İslami inğilabi yolə rəhbəri bəyonoti bəpeştə,Azərbaycan Respublika xarici koon vəziri muavin Xələf Xələfov qıləy telefoniyə əlağədə çı muhim və ədolətinə bəyonoton qorə Azərbaycan Respublika devlət və milləti təşəkkuri elan kardə və bə 2 qılə hamsuyə məmləkəti dustiyəti və bıvəti işarə kardedə.

İslami inğilabi yolə rəhbəri zinə İslami əzizə peyğəmbər(s) və İmam Sadığ(ə) viladəti sorəqardışi mınosibəti ıştə ehandımonədə,Ermənistan və Azərbaycan Respublika miyonədə bə tojə canqi həm işarəş karde və votışe:ım məsələ qıləy telə hadisəy və məntəğə əmniyəti təhdid əkəy və əlavəş karde ım hərbiyə dave təcili bəpe bə oxo bırəso əlbətdə Azərbaycan Respublika həmmə sərzəminon ki Ermənistanı tərəfo işğal bə  bəpe ozod bıbo və bə Azərbaycan Respublika  oqardo.

Həzrət Ayətullah Xamenei ım sərzəminədə bə ermənion əmniyəti hifz  be zərurət və 2 tərəfiku bə beynəlxalğə sərhəddon diğğət doe işarəş karde və votışe: ə  terroriston ki bə dəğiğə məlumaton əsosi bə məntəğə daxil bən heç holədə bəpe bə İroni  sərzəminon nez nıbon və əqər bə marz nez bıbon de  ğətiyəti dəvon ve ciddi dim bə dim bəbemon.