İron və Azərbaycan Respublika həmmə cəhətonədə bə mınosibəton inkişaf doe işarəşon karde.

İron İslam Respublika prezdent aparati rəis və Azərbaycan Respublika 1 minnə vəziri muavin zinə şanqo təşkil doə vindımonədə bə 2 qılə məmləkəti həmkoətion inkişaf həmmə baxşonədə xususi ixtisadi və ticariyə baxşonədə işarəşon karde.

İron İslam Respublika prezdent aparati rəis və Azərbaycan Respublika 1 minnə vəziri muavin zinə şanqo təşkil doə vindımonədə bə 2 qılə məmləkəti həmkoətion inkişaf həmmə baxşonədə xususi ixtisadi və ticariyə baxşonədə işarəşon karde.

Bə İRNA zinə şanqonə məlomaton əsosi Məhmud Vaezi və Şahin Mustəfayevi vindımon ki İron və Azərbaycan Respublika ixtisadiyə iclosi 14 minnə devrəku nav Tehronədə təşkil be,İroni prezdent aparati rəis, 2 qılə məmləkəti ixtisadiyə mıştərəkə kamisiya bərpo be çokə vəziyyətiku rozi mande və votışe: Tehron-Boku rabitə 2013 minnə soriku desbə ısət  həmmə baxşonədə bə inkişafi tərəf bə və 2 qılə məmləkəton prezdenton 13 mərhələ vindımon, mınosibəton inkişaf doeyu İron və Azərbaycan Respublika ciddiyə niyyətiku hikayət kardə.

Vaezi,Tehronədə,Azərbaycan Respublika prezdenti ğəbul kardeyu bə hozzı mande işarəş karde və votışe: 100 qılə sə ve diplamatikə heyəton ovıştıne 2 qılə məmləkəti vəziron səviyədə iyən 40 qıləsə veyə həmkoətiyə sənədi imza karde,yolə hərəkəton hestin ki 2 qılə məmləkəti rabitəndə bəy şohid bəmon və İron iyən Azərbaycan Respublika ixtisadiyə rabitə korona virusi pandemiya və icod bə məhdodiyəton kənoədə ısət həm dəvomış heste və maneon peqəteədə bə inkişafi tərəf şedə.

İroni prezdent aparati rəis bə Azərbaycan Respublika,Ermənistan və Rusiyə məmləkəton yolon muzakiron Ğərəbaği munağişə bəpeştə və məntəğədə tojə şərayetonku rozi mande həxədə işarəş karde və votışe: tojə şərayet bəzne məntəğədə məmləkəton miyonədə çandə cəhətinə həmkoətion  nav şərayeton icod karde.

Azərbaycan Respublika 1 minnə vəziri muavin həm Ğərəbaği munağişə vədə iyən Azərbaycan Respublika ərazi təmamiyətiku himoyə karde cəhətdə İron İslam Respublika siyasətonku təşəkkurış karde və İron İslam Respublikaku bənə qıləy dust və hamsuyə məmləkət nomış barde və bə 2 qılə məmləkəti rabiton inkişaf həmmə baxşonədə xususi ixtisadi və ticariyə həmkoətion cəhətdə işarəş karde.

Im azəriyə rəsmi şəxs de Rusiyə huzuri bə Azərbaycan Respublika və Ermənistanı sulh roziyə sənədon imza karde işarəş karde və votışe: ım sazışi maddon  bə Ğərəbaği munağişə oxo doeyu İroni tərəfo təğdim bə məsləhəton ve nez bı və karde bəzne tərəfon faydon təmin karde.

Şahin Mustəfayev,Azərbaycan Respublika-Nəxçivon osınə xətti icod kardeədə bə İroni faydon əhəmmiyyət nıdoe həxədə bəzi pesoxtə bə qəpon rəd kardeədə votışe:ım osınə xətti bərpo kardeədə İron,Azərbaycan Respublika, Ermənistan,Rusiyə,Tırkiyə və Qorcistanı məmləkəton faydon təmin bəben və ım məmləkəton karde bəznen çı osınə xətti roədə bə iyandı rəse və ıştə ticariyə həmkoətion inkişaf doe.