İron iyən Ermənistoni miyono əloğəon inkişof.

Ermənistoni i minnə vəziri muavin və ım kişvərədə bıə İroni səfir bə iğtisodi-ticari əloğəon inkişofi təkid kardışone.

Bə İrib raporti əsos, Ermənistoni i minnə vəzir Tiqran Aviniyan ımruj İrəvanədə de Əbbas Zuhuri vindemon karde cərəyanədə bə 2 qılə kişvəri miyono bıə kanə torix iyən mıştərək mədəniyəti əsos ticari-iğtisodi həmkarion inkişofi zəruriyati təkidış karde.

Əv əlovəş karde: İron və Ermənistoni miyono həmkarion bə dustiyəti, ehterom və etemo əsos dəvom kardedə ki bo inkişofiro veyə zərfiyəton mıvcudin.

Tiqran Aviniyan məntəğədə sulhi qıləy muhim məsələ bə hisobış varde və bə 2 qılə kişvəri miyono bıə iğtisodi mıştərək planon işorə karde holədə votışe: bə Erməniston İroni elektiriki ovoştoniye plan bəpe de həmkarion vositə rə komil bıbu.

Komonikasiya və informasiya texnoloqiaon barədə həmkaron hə 2 tərəfon miyono bıə muzakiron co mehvər be.

Zuhuri həm ım vindemonədə bə İron və Ermənistoni miyono həmkarion əhəmmiyəti işarəş karde və bə Fars dıyo-siyohə dıyo teranzit xətti komil bey zəruriyati təkidış karde.