Nəhcul-Bəlağə pand iyən hikməton
Nəhcul-Bəlağə pand iyən hikməton
Nəhcul-Bəlağə şərifə kitobi 131-ə hikmət bə dıqlə baxşi təğsım beydə:iminə baxşdə,İmom çəmə həmmə nəzə bə ın nuktə səmt cəlb kardedə ki,dınyo de kələk iyən hiyləqərəti tevsif kardey,qıləy səhfə tevsife. çıro ki,ehyanə inson həyğəti vindeyış bıpyo,çe dınyo bebəfoəti komilə surətədə ruşin bəbe.liza,İmom Əli(ə) bə həmonə odəmi xitobən jıqoş hamye:”Əyyuhəzzamm liddunya.....ha dınyo mızəmmət kardə kəs ha!tı dınyo de kələk iyən hiyləqərəti mıttəhəm kardedəş.tı,ıştən bə dınyo hiyləon aşığ bıəş və bəçəy botılə çiyon dılı dəvastə.ayb ıştıkuye,nəyinki,çı dınyoku”.
Əmirəl-Muminin Həzrət İmom Əli(ə) peşo jıqoş hamye:”Ətəğtərru biddunya....tı ıştən bə dınyo aşığ bıəş, peşo dınyo mızəmmət kardedəş iyən qıno bəçəy qərdəni şoydəş?.tı dınyo qınoko hisob kardedəş və ya dınyo tıni?.peşo Həzrət İmom Əli(ə) ıştə sıxanon dəvomədə bə dınyo odəmi oğo kardə dıqlə məzhər və simvolon işorə kardedə və hamyedə:”Məta...kom zəmon dınyo tış bə dast dənoə?aya de qıləy vırə ki,ıştı dədə-bobon əyo eqıniyən iyən pıxən tınış bə dast dənoə ya deştı tuli jiyədə bıə moon hıtə vıron?.
Kifoyət kardedə ki,əmə ikərə bə ğəbıstoni osə bığandəmon və ğəbon ki,qırd de ibrəti pure bəy qıləy nəzəkəmon,odyəsəmon.çəmə dədə-bobon,inəon iyən əzizon zinə çəmə miyono bin,əmmo ımruj orom-orom və besədo çe xok iyən tuli jiyədə hıtən.
Əmirəl-Muminin Həzrət İmom Əli(ə) bo ziyodə oqohətiro çe dınyo ibrətamizə səhnə de vey ibrətamizə tərzi bə tərsim kəşeydə və bə noxəşə ətrofi əhli işorə kardedə ki,çəvon noxəşə hol rujbəruj vey saxt və bevəc beydə.əv,qahi zəmon bə dıvo çanq ğandedə və qahi zəmon həm bə doktor iyən damonon səmt. iqlə vaxt həm dılış sutedə,betovəti kardedə və bəzi zəmon həm çəy çəşonku ars bənə ovəyzi cari beydə. əmmo çəvonku hiç qıləyni qıləy foydə baxşedəni iyən həmonə noxəş çəvon çəşon arsi mığobilədə ıştə coni aspardedə.”kəm əlləltə....çanədə deştə daston de noxəşon mıolicə koy məşğul biş iyən çəxtə bəvon xıdmətı karde,boçəvon şifo pəydo kardero dıvo karde və çe pezeşk iyən həkimonku çəvon damoni roonı xəbə se.həmonə rujonədə ki,nə damoni bəçəvon holi qıləy foydəş karde və nə ıştı bəme-şivənon bəçəvon holi qıləy xeyrış be.
Imon koonin ki,mərdumiku ziyodə fərdon ımonışon təcrubə kardə və əvon ki,çe cokəsonku məsəşone, aya ın səhnəon vəs kardedəni ki,inson çe dınyo ın bebəfoəti iyən be etıbo bey dərəso?.
Çın bəhsi oxonə baxşədə Əmirəl-Muminin Həzrət İmom Əli(ə) jıqo hamyedə:”Və ğəd məssələt...dınyo botı çəvon holonış misol je və deçəvon ğəbon ıştı ğəbış bətış nışon doe”.
Liza,əve ki,həni vırəş ni ki,dınyo de qırd ın nışonəon ijən hiyləqər fik bıkoş?.
