Ermənistoniku bə İron səfər kardey məhdudiyəton peqətə bıə.

Ermənistoniku bə İron de təyyorə səfər kardey məhdudiyəton peqətə bıə.

Bə İrib raporti əsos, Ermənistoni xarıci vəzarətxonə sıxan əvot, de ın xəbə elan karde votışe: Erməni şahrvandon çımi bəpeşt karde bəznın de həvo nəğliyot şirkəton və de təyyorə bə İron səfər kon, həlbətə de səlomət icozə ki çəvon Korona vəziyət kamilən oşko və məlum bıbu, əv həm de şərti ki əvon 96 saat səfəri bənav ıştə səlomət icozə hozzo kon.

Ermənistoni xarıci vəzarətxonə sıxan əvot əlovəş karde: əmmo bə Koronavirusi məxsus bıə zəmini səfər karde məhdudiyəton ijən dəvom kardeydə ki bəpe tam rioyət bıbu.

Ermənistoni səhiyyə vəzorətxonə 4 şanbə ruji elanış karde ki dəvardə 24 saaəti mıddətədə co 196 nəfər ım kişvərədə Korona qətəşone.

Ermənistonədə tosə bə ısət bə 169 həzo nəfər nezi Korona virusi qətəşone ki çəvonku 3130 nəfər ıştə coni dastiku doəşone.