Erməniston iyən Rusiyə mudafiə vəziron miyono telefoni votımon.
Erməniston iyən Rusiyə mudafiə vəziron zinə Ğərəboğədə bıə Rusiyə sulhmərominə ğıvvon məmuriyəti dəvom peydo kardey barədə de yande sohbət kardışone.
Bə Armen niyuz sayti raporti əsos, Ermənistoni mudafiyə vəzir, Vaqarşak Harutianiyan de Rusiyə mudafiyə vəzir Serqey Şayqov votımon karde cərəyonədə 2 tərəfi həmkarion iyən muxtəlif məsələon barədə sohbət kardışone.
Im qıle holədə be ki çimi bə nav i minnə vəzir nikol başiniyan votəş be ki Rusiyə bə İrəvon doə Eskəndər rəketon Ğərəboği canqədə çok ko nıkardışe.
Im sohbəton bois bıə ki Ermənistoni həmmə silohinə qıvvon fərmondə Paşiniyani məsxərə ko, peşo hərbiçion paşiniyani bə kəno noe senari bino kardışone.
Paşiniyan həm beko nımande və həminə senari betəsir kardeyro ıştə tərəfdaron bə xiyoboni eterazon dəvoniye dəvətış karde, çəy nəzəku Ermənistoni hərbiçion anti dıvlət peqardımoni bə nav barde holədən.
