Azərbaycan Respublika ruhaniyon ımsornə rəməzanə manqışon hicabı manq nomışon noə.

Imsor, xanımon şəxsiyə sənədon mincumlə pasportdə be hicabə şikilonku istifadə karde zərurəti vədə etirazon qorə, mubarək rujə manq Azərbaycan Respublika ruhaniyon tərəfo hicabı manq nom noə bə.

Imsor, xanımon şəxsiyə sənədon mincumlə pasportdə be hicabə şikilonku istifadə karde zərurəti vədə etirazon qorə, mubarək rujə manq Azərbaycan Respublika ruhaniyon tərəfo hicabı manq nom noə bə.

Bə ğəfğazı həğiğəton xəbəriyə mərkəzi elanon əsosi Azərbaycan Respublika ruhaniyonku qıləy qrup mubarəkə rujə manqədə ım nom noeədə qıləy bəyonotədə məmləkəti rəsmiyə sənədonədə ğeyre ğanoniyə sorətədə hicabı ğədəğən karde peqəteşon tələb kardə.

Nəşr bə bəyonotədə oməy mıslmonə əzizə hovon və bıvon jəqo ki zındən ım mıslmonə məmləkətdə Əhle Beyt(ə) aşığon jimon kardən, çəmə dindarə inon və hovon şikil de hicab rəsmiyə sənədonədə ğədəğən bə jıqo qıləy şərayetəndə Azərbaycan Respublika ruhaniyon mubarəkə rujə manqi hicabı manq elan kardən ta ğeyre ğanoniyə sorətədə hicabı ğədəğən karde məsələ həlliyo lozim bə koon əncom bıbon.

Im bəyonoti dəvomədə əlavə bə əziz və ğeyrətmandə mıslmonə hovon və bıvon şıməku tələb bedə ki ım mubarəkə manqədə lozim bə hərəkəton virtoal  aləmədə iyən har vırədə ki mimkine,Azərbaycan Respublikaədə ğeyre ğanoniyə sorətədə hicabı  məmnoiyəti peqəteyu fəaliyyət bıkən.