Ğərəboği obod kardə planonədə İron iyən Rusiyə həmkarion barədə Ərdoğani təklif.
Tırkiyə prezident ki bə Buko səfərış kardə be bo Ğərəboği obod kardə planonədə İron iyən Rusiyə həmkarion barədə təklifış do.
Bə İtartas raporti əsos, Rəcəb Təyyeb Ərdoğan de İlham Əliyevi dəvoniyə xəbə iclosədə votışe: əmə təklif doəmone ki qıləy 6 tərəfə həmkarion çərçivədə və de Rusiyə, İron, Azərbaycan Respublika, Erməniston və Ğurcistoni iştiroki bo Ğərəboği obod kardeyro həmkarəti kəmon.
Tırkiyə prezident təkidış karde: Ğərəboğədə daveon sə bey bo reqional həmkarionro qıləy fırsətış icod kardə ki bəpe çəyku istifodəkəmon.
Ğərəboğədə Azərbaycon Respublika iyən Ermənistoni miyono 2 minnə muharibə dəvardə sori Sentiyabrə manqi 27 ku bino bıə be ki oxoy sə Rusiyə, Azərbaycan Respublika iyən Erməniston canqi səkardeyro qıləy mıştərək sazışi imzo kardışone.
Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.
Ğeyd kardənine ki Ğərəboği muxtəlif baxşon əmniyəti təmin karde tosə 5 sor bə Rusiyə sulhbanon qi haştə bəy, peşo bəzi məntəğəon tale barədə ğərolon təin bəbe.
