Ermənistoni mıvəğğət i minnə vəzir bə de İron İslam Respublika steratejik muzakiron zəruriyati təkidış karde.

Ermənistoni mıvəğğət i minnə vəzir bə de İron İslam Respublika əloğəon nığıləti zəruriyati təkidış karde.

Bə Sputink sayti raporti əsos, Nikol Paşiniyan, ıştə tərəfdaron cəmədə votışe: Reqional əloğəon çərçivədə pidəme de İron İslam Respublika əloğəon nığılətiro steratejik votımonon binokəm.

Paşiniyan ıştə sohbəton co baxşədə bə Ğərəboği dave və mınoğişə işarə və təkidış karde: bo Ğərəboği behroni həlliro, minsk qurupi nəzəon ğəbul bəbe, ın yəni Ğərəboği məsələ hələ həl bıdə ni və əmə komilə hələkə ro və tədbiri çəş kardedəmon.

Çı Ermənistoni xarıci vəzorətxonə mıvəğğət vəzir Ara Ayvaziyan həm tojədən de İroni xarıci vəzir Muhəmməd Cəvad Zərifi vindemoni cərəyonədə İrəvon-Tehroni miyono bıə həmkarionış vey muhim iyən torixi bə hisobış vardə be.