İrəvanədə bıə İron iyən Ermənistoni 100 qılə şirkəton festival.

İrəvanədə bıə İroniku 50 qılə iyən Ermənistoniku 50 qılə şirkəton qıləy 3 rujə festivali çərçivədə 2 qılə kişvəri miyono bıə iğtisadi və ticari həmkarion barədə ıştə təcrubə iyən zərfiyəton bə iştirok noəşone.

Bə İrib raporti əsos, həminə festivalədə təsisot, xorək, di təsərrufat, nat kimiya, tib təchizot və sənayeku nımoyəndəon iştirok kardən.

Həmkarion zərfiyətiku istifodə karde həminə festivali co nəticəonin ki de İroni səforətxonə zəhməti və Ermənistoni qıləy məşur şirkəti himoyədorəti bərpo be.

Ermənistoni iğtisod vəzir ki həminə festivalədə iştirok kardəş be bə İron-Ermənistoni miyono bıə mıbodiləon miğdori bə 600 milyon dollari rəseyku xəbəş do və votışe ki ın miğdor tosə sori oxo bə 1 milyard dollari bərəse.

Erməniston bənə İroni hamsuyə kişvəri 3 milyon nəfər cəmiyətış heste ki bo İroni şirkəton və ticarət fəalon vey cəzbəkəy.