Taleh Bağırzadə hukm ədolətin ni.
-
Əgər məhkəmə pidəş bıə be ədolətinə hukmon sadir bıkə, bəbe həminə hadisə əsliyə pılan əkəşon və senari peştədə bıə odəmon dəstqir əkəyn.
Azərbaycan Respublika ruşin fikon hərəkəti rəis çı hac Taleh Bağırzadə hukmi ğəyri ədolətin və nohəx zınəşe ijən bə ın məşhurə ruhani həmməsləkon dıroz mıddətə həbsi doe məhkumış kardə.
Eldeniz Ğuliyev bə Səhər kanali mısohibə doe cərəyanədə votışe: təəssuf ki Azərbaycan Respublikaədə hiç mıstəğilə məhkəmə ni və məhkəməon həmmə bə sifarış və doə əmron əsos ko kardedən.
Əv əlovəş karde, Buko məhkəmədə tojə sadir bıə hukm ujnən sabitış karde ki çın kişvəri məhbuson vədə məhkəməon rəftor vey de bevəcə ğəsd-niyyəti heste ijən bə çəy xoto jıqonə hukmon sadir karde kamilən ğəyri ğanuni və nohəxe.
Ğuliyev təkidış kardə: əgər məhkəmə pidəş bıə be ədolətinə hukmon sadir bıkə, bəbe həminə hadisə əsliyə pılan əkəşon və senari peştədə bıə odəmon dəstqir əkəyn.
2015 nə sori noyabrədə, Boku əmniyəti ğıvvon bə Nardarani ğəsəbə əzadarə əhali hucum karde bəpeştə, 60 nəfəri əcumlə haci Tale Baqırzadə dəstqirışon kardə.
Haci Tale Baqırzadə bə nosəhihə ittihamoni bənə ğəyri ğanuni silahon vırə bə vırə karde iyən de ğəs-niyyəti bəzi odəmon kışte piye məhkum be.
