Azərbaycan Respublika islam partiya muavin bə ironi islamiyə inğilabi əhəmmiyyət işarəş karde.
Azərbaycan Respublika islam partiya muavin ironi islamiyə inğilabi fəcr mubarəkə 10 rojə əyyamış bənə islamiyə erjon inkişaf və pəhləvi mənfurə rejimi təziğonku ironi milləti rəxeku yodış karde.
Bə SƏHƏR beynəlxalğə kanali azəriyə baxşi zinə elanon əsosi Akif Heydərli islamiyə inğilabi səbarzəti 10 rujə mubarəkə əyyam ki çəyku dəheye fəcr nomo yod bedə təbrikış vote və İroni islamiyə inğilabış dınyo muhim və təsir bınə inğilabonku zınəşe və votışe: de mərhum imom Xomeyni rəhbərəti İronı islamiyə inğilabi səbarzəti və cəmaəti tərəfdarəti ım tarixiyə hərəkətiku deşmenon no təmizə planonış de məğlubiyyət dim bə dimış kardə.
Heydərli əlavəş karde çandə soron təbiddə be bəpeştə mərhum imom Xomeyni bə Tehron daxil beədə pəhləvi rejimi binovrə arəku şe və İron İslam Respublika mığəddəsə hukumət ım sərzəmini şəhidon və cıvonon pokə xonədə bə nəticə rəsə .
38 sor çimiku bə nav qıləy jıqonə rujədə İron İslam Respublika təsis əkə mərhum həzrət imom Xomeyni çandə soron vətəniku təbidəndə be bəpeştə cəmaəti tələb və şoətiədə bə islamiyə ironi sərzəmin ğədəmış no və 10 ruj çəy bə vətən oqarde bəpeştə 1979 nə sori fevrali 11 minnə ruji ironi islamiyə əzəmətinə inğilab bə səbarzəti rəsə.
