Erməniston və Tırkiyə rəsmi şəxson miyono vindemon.

Əloğəon normal bey çərçivədə Tırkiyə və Ermənistoniku məxsus nımoyəndəon miyono vindımon dəvoniye bəbe.

Bə İRİB raporti əsos, ın vindemoni iminnə iclos Yanvari 14 Maskvaədə bərpo bəbe.

Həminə vindemon çəy bəpeşt bərpo bəbe ki 2 tərəf rozi bıən ki sərhəddon bo məhsul-əmtəə yandeku varid karde oj kon.

Tırkiyə iyən Ermənistoni miyono ticori əloğəon Ğərəboği 44 rujə canqi bəpeşt bə yande qıniyə be, jəğo ki 2020 minnə sori dekabriku Bə Ermənidston çı Tırkiyə məhsulon varid kardey ğədəğən elan bıə be.

İrəvoni nəzəku Tırkiyə de Azərbaycan Respublikaku himoyədorəti anədə bə Boku hukuməti hərbi koməkış kardə.

Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.

Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.