Zənqəzuri karidori barədə Əliyevi tojə iddo.

Azərbaycan Respublika prezident votışe Ğərəboğ iyən Zənqəzurədə obdonəkə planon icra kardış pidə.

Bə Azərtac aqentiyəti raporti əsos, Azərbaycan Respublika prezident İlham Əliyev tojədən qıləy beəsos iyən əcibə sıxanon çərçivədə iddioş karde ki de ha ğəymət həm ki bıbu Ğərəboğ və zənqəzurədə zəmini səpe beheşti bəsoxtemon.

İlham Əliyevi ın sıxanon qıləy şəroyetədə bəyon bıdə ki Erməni rəsmi şəxson çimi bənav Zənqəzuri məntəğə vəziyəti əvəz kardey barədə ıştə muxalifəti elan kardə bin iyən bə ın məntəğə qeopolotikə şəroyeti stabil mande təkidışon be.

Hətto Ermənistoni İminnə vəzir Nikol Paşiniyan həm Zənqəzuri karidori barədə Azərbaycan Respublika dıvləti iddi be əsos zınəş be və əy de milladi 2020 minnə sori 3 tərəfi sulh muğavilə muxalif iyən bə Ermənistoni zəmini təcavuz karde məno zınəş be.

Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.

Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.