sionist rejimi rəisi bə Tırkiyə səfəri zidd bıə eteroz aksiyaon.

Bə Tırkiyə sionist rejimi rəisi səfəri həmzəman ın kişvəri millət Ankara və İstanbulədə eteroz aksiya bərpo kardışeone.

Bə İrna raporti əsos, eterozəkəyon de sionist rejimi rəisi bə Tırkiyə varid bey həmzəman 8 ostan əcumlə İstanbul və Ankaraədə eteroz aksiyaon bərpo kardışone və anti Amerkə iyən anti israil şuaron vanq kardışone.

Xəbə omə ki İstanbulədə bıə sionist rejimi konsuli vədə cəmaət de Fələstini boydəği rost karde çı israili boydəği otəş jəşone.

Jığonə eterazon qıle holədəy ki Tırkiyə prezident Rəcəb Təyyeb Ərdoğan çı sioniston rəis İshoğ Hrtoqi səfəri bənə vey muhimmə səfər çı Ankara-telavivi miyono bıə əloğəon inkişofi cəhətədə zınəş be.

Və hol ın ki Ərdoğani dıvlət zohirədə anti israil mıvğiyəton iyən Fələstiniku himoyədorəti kardeyku qəp jıdə be.