Almaniyaədə bə Həkim Nizami ehtırom noe mərosimon.

De martə manqi 12, İronıjə şair Həkim nezami ruji həmzəman, xəbə omə ki Almaniyaədə və de İroni səfarətxonə həmkarəti dastan vote sahədə Nezami navdəşə hərəkəton nomo mədəni iclos bərpo be.

Bə İsna raporti əsos, Almaniyaədə bıə İroni səfir Məhmud Fərazəndə, həminə iclosi əvvələdə ki virtual surəti və de Almaniyaədə bıə çandə İran şenason iyən hınə soybon iştiroki bərpo bıə votışe: Həkim Nezami həmonə kamə şaironku bə hisob omeydə ki İslami bənav iyən bəpeşt bıə İroni sima və obrazi ıştə şeronədə oşkoş kardə.

Parsi ədəbiyoti yolə şairon iyən ustadonku qələyni,Cəmaluddin Əbu Muhəmməd Elyasi, Hicri Ğəməri 6 minnə əsrədə bıə şair və dastan votə kəs yəni Nizomi çı İroni milli şəxsiyəti memorətiədə vey muhimmə təsirış be.

Qıləy şair de mislış nıbıə asron ki Farsi ədəbiyotədə tojə şivə iyən metodi icodış kardə.

Əsəroni ki çəvon vey erjin iyən muhimmə qılə Xəmsə ya 5 qənc heste.

Nezami,  illustrasiya iyən kompozisiyaədə ustad be, anədə ki əqə Sədi, Hafiz, Molana iyən Ferdosi bənə farsi zıvoni 4(ço) qılə yolə şairi hisob kəmon, hukmən Nizami 5(penc) minnə qıləy.

Imsor Esfəndə manqi 21 minnə rujiku iyən İron və co kişvəronədə həkim Nezami yol qətey beynəl xalğ haftə mərosimon bino bıə.