Ermənistoni milli əmniyət şura yol iyən prezidenti miyono vindemon.
İrəvonədə eterozon dəvomi jintonədə xəbə omə ki Ermənistoni milli əmniyət şura rəis iyən prezident de yande vindemon kardeşone.
Bə İRİB raporti əsos, çı Armen Pres saytiku, qıle holədə ki İrəvonədə anti dıvlət eterazon dəvomış heste, Ermənistoni milli əmniyət şura yol Armen Qiriquriyan iyən prezident Vahaqın Xaçaturiyan zinə cımə de yande vindemon iyən votımon kardeşone.
In vindemoni detalon barədə hələ hiç xəbə muntəşir bə ni.
Tojədən çı Ermənistoni hakim partiya muavin Artur Hovanesiyan parlamentədə ıştə nıtğədə eterozəkəyon əsli hədəfış çı Nikol Paşiniyani hukuməti məh kardey elanış karde.
Ermənistoni eterozonədə Muxalifon jığo elan kardən ki Paşiniyoni siyasəton Ğərəboğədə çı Ermənion həxi poymol kardey çərçivədəy, çən həm i minnə vəzir bəpe bəkəno bebu və həm Ermənistoni dıvlət bəpe istifo bıdə.
Muxalifon çı Nikol Paşiniyani dıvləti mıttəhəm kardən ki Ğərəboği qırd bə Azərbaycan Respublika doeış pidə.
Əvon i minnə vəzir Nikol Paşiniyani istifo tələb kardən.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.
