Ankara iyən İrəvoni əloğəon normal beyro Boku hozzıəti.
Azərbaycan Respublika xarıci vəzir ki bə Tırkiyə səfərış karde Ankara iyən İrəvani miyono əloğəon normal bey barədə çı Boku dıvləti vositə beyku xəbəş do.
Bə Anadoli raporti əsos, Ceyhun Bayramov ki bə Ankara səfərış karde tojədən votışe: əqə Ermənistoni tərəfo beynəlxalğ ğanun və prinsipon rioyət bıbu, əloğəon normal karde sahədə bə vey çokə nəticə dast peydo karde bəbe.
Tırkiyə və Ermənistoni miyno əloğəon normal kardey barədə i minnə dıvrə iclos de 2 qılə kişvəronku nımoyəndəon iştiroki yanvari 14 Maskvaədə bərpo bıə ki peşo co 2 qılə icloson həm Viyanaədə təşkil bıə.
Tırkiyə və Ermənistoni xarıci vəziron Antaliyadə diplomatik koon icma kənoədə Martə manqi 12 de yande vindemon kardışone.
Isət 2 sori bəpeşt Ankara və İrəvon ijən ticori təyyorəon pəre bino kardəşone.
