Tırkiyə çı İroni nat iyən qazi çimisə əlovə hıryış pidə
Tırkiyə prezident ijən təkidış karde ki Tırkiyə çimisə əlovə İroniku nat iyən qazi hıryış pidə.
Bə İrna aqentiyəti raporti əsos, Tırkiyə prezident Rəcəb Təyyeb Ərdoğan de TRT aqentiyəti mısohibə cərəyonədə votışe: de hamsuyə kişvəron həmkarəti iyən 2 tərəfi ticorət ijən dəvom peydo bəkarde.
Əv əlovəş karde: Ankara hədəf ıme ki ıştə nat və qazi ehtiyocon vey baxşi İroniku təmin ko.
Tehronədə tojədən İron və Tırkiyə miyono həmkarion ali şura de İron və Tırkiyə prezidenton iştiroki bərpo bıə.
2 qılə kişvəri prezidenton həminə iclosədə bə əloğəon inkişof və ozavziye təkid kardışone və Ayətullah Rəisi həminə iclosədə votışe ki İron bə Tırkiyə nat və qazi çimi sə əlovə sadir kardeyro hozzıe.
Tehron və Ankara miyono enerji həmkarionro muğavilə zəmon tosə omə 25 sori çəy mıddət dıroz bıə qazi ixracati vey vey ısət 2 Tehron-Ankara dıvləton diğğəti mərkəzədəy.
