De İron, Rusiyə və Azərbaycan Respublika 3tərəfiyə mığuvilə imzo bey vositə, ticarəti rovnəğ

İroni qomroki yol votışe: İron, Rusiyə və Azərbaycan Respublika kişvəron miyono qomroki 3tərəfiyə mığuvilə həmkoəti imzo bey, de ticarəti rovnəği bə icoe.

Zinə (dışəmbə) İron, Rusiyə və Azərbaycan Respublika qomrokon miyono tranziti 3tərəfiyə mığuvilə sənəd imzo bıə.

Bə İrna zinə ruji raporti əsos, İron, Rusiyə və Azərbaycan Respublika qomrokon miyono tranziti hoston kardey 3tərəfiyə mığuvilə sənəd imzo bey mərosimədə, İroni qomroki yol, Əlirıza Muğəddəsi işorəş karde: qomroki koon vey rə əncom doey iyən de hamsuyə kişvəron xususi Rusiyə ticari rabitəon rovnəğ doeyro, ım iclos əməni bə çəmə hədəfon nez kardedə.

Əv ijən əlovəş do: Azərbaycan Respublika, İron və Rusiyə miyono zəminiyə marz bə hisob omeydə ki de boy avtomobil royku tranziti ko vey rə məhsulon bə məğsəd rosniyedə.

Bə İroni qomroki yol votey əsos, tranziti prossesədə, krediton bois bəbe xarıci ticarətədə ozavziyə və rovnəğ icod bıbu ki de ım sənədi imzo bey vositə və vəomey manqi mıddətədə çəy icra bey bois bəbe bə çəmə hədəfon bərəsəmon.

Im mərosimədə Rusiyə qomroki yol Veladimier buladin bəyonış karde ki ım mığuviləon imzo beyku vey muhimmə hədəf, 3 qılə kişvəri miyono ticarəti əlovə bey bə hisob omeydə iyən əlovəş karde: de ım sənədon imzo bey vositə, 3 qılə kişvəron miyono əmtəə bə məğsəd rosniye vey rə, be səhv iyən be saxti əncom bəbe.

Həmçınin Azərbaycan Respublika qomroki yol Şahin Bağirev ticari mıbodiləon bə inkişof rosniye iyən hostonro, Azərbaycan Respublika  hozzoəti elanış karde iyən votışe: de har rujnə texnoloqiya koməki karde bəznemon qomroki koon rə əlovə kəmon və ım qıləy çokə fırsəte ki de 3 qılə kişvəri həmroəti bois bəbe mıbodiləon rovnəği əlovə kəmon.

Azərbaycan Respublika qomroki yol ijən votışe: ımrujnə sənəd iyən mığuvilə, ticari mıbodiləon hoston və bə inkişof rəseyro vey çokə roy bə hisob omeydə. əv ijən əlovəş karde: ticari bə inkişof rəseyro imkanaton icod bıə.