Azərbaycan Respublika iyən Tırkiyə hərbi mıştərəkə manıvri bino bey.
Azərbaycan Respublika mudafiə vəzarətxonə elanış karde ki zinə rujiku Azərbaycan Respublika kişvəri Qəncə şəhrədə Azərbaycan Respublika iyən Tırkiyə həvoiyə ğıvvon manıvr de "Tur-Az put 2022 " nomo bıə onvani bino bıə.
Bə İrna raporti əsos, ım bəyoniyədə omə ki: ım manıvrədə canqi həmkoəti zərfiyəton və rabitəon təhğiğ kardey, və həmçınin təhğiğ və nicot əməliyaton əncom doey əcumlə ım manıvri muxtəlifə koonin.
Bə Tırkiyə mudafiə vəzarətxonə votey əsos, ım manıvr tosə Sentiyabrə manqi 16 ( Şəhrivərə manqi 25) minnə ruj dəvom peydo bəkay.
Azərbaycan Respublika iyən Tırkiyə vey baxşon və zəminəonədə de yande hevujə rabitəonışone.
Miladi 2021 minnə sorədə Ğərəboği 44 rujə canqədə, Erməniston və Azərbaycan Respublika miyono, Ankara, Buko ixtiyorədə veyə informasiya və silohon ğərorış do və ım kişvəriro vey muhimmə himoyəkəy bə hisob omeydə.
