Tojə dronon soxtey baxşədə, Azərbaycan Respublika iyən Tırkiyə miyono hərbi həmkoətion.
Azərbaycan Respublika mudafiə sənaye vəzir xəbəş do: Boku iyən Ankara hədəfışon heste mıştərəkə hərbi sənaye məhsulon əcumlə dron istehsoliro, de yande həmkoəti kon.
Dəvardə soron və manqonədə, muxtəlifə baxşonədə Tırkiyə və Azərbaycan Respublika ıştə rabitəon hevuj kardışone və de yande çand qılə manıvr bərpo kardışone.
Bə Fars aqentiyəti raporti əsos, zinə Pencşəmbə Azərbaycan Respublika mudafiə vəzir, Mədəd Ğoliyev votışe: Azərbaycan Respublikaədə və de Tırkiyə koməki bumi silohonku vey tojə bə inkişof rəsey siloh əcumlə bepilotə təyyorə soxtey əncom bey holədəy.
Miladi 2021 minnə sorədə Ğərəboği 44 rujə canqədə, Erməniston və Azərbaycan Respublika miyono, Ankara, Buko ixtiyorədə veyə informasiya və silohon ğərorış do və ım kişvəriro vey muhimmə himoyəkəy bə hisob omeydə. nəhayətədə ım canq de Rusiyə vositəçiyəti və bə Azərbaycan Respublika mənafe əsos və Ğərəboği sərzəmini kontroli kali baxşon dastiku doey bə oxo rəsə.
