Azərbaycan Respublikaədə İslom qıromiyə Peyğombər(s)-i milad ruji şoə mərosimon bərpo be

Azərbaycan Respublika paytəxt, Bokuədə İsalmi qıromiyə Peyğombər(s)-i milad ruji şoə mərosimon bərpo bıə.

Sınnion nəzəku, Rəbiuləvvələ manqi 12 minnə ruj və şiəyon rəvoyətonədə ım manqi 17 minnə ruj, İslami qıromiyə peyğəmbər(s)-i milad ruji sorəqardışe.

İron İslam Respublika nizomi Yolə Təsisəkə, Həzrəte İmom Xomeyni(r) ki ıştən islam dınyoədə vəhdəti vanq kardə kəson be, ım məsələku vəhdət və islami qrupon nez beyro istifodəş kardə və ım 2 qılə torixi miyono (Rəbiuləvvələ manqi 12 tosə 17 minnə ruji) bənə vəhdət haftə nomış no, ki dınyo həmmə mısılmonon de şoə mərosimon bərpo kardey vositə ım haftə qıromi zıneydən.

Bə Tele-Rədio aqentiyəti raporti əsos, Azərbaycan Respublikaədə şoə mərosim de İroni səforətxonə mədəniyəti məşvərəti cəhdon vositə bərpo be ki Bukoədə sakin bıə İronıjon iyən bəzi çı Azərbaycan Respublika mısılmonə milləti iştirokışon be.

Həminə mərosmonədə İsalmi qıromiyə Peyğombər(s) iyən dınyo şiəyon 6 minnə İmom, İmom Cəfər Sadığ(ə)-i rəftor və jimoni metod və fəziləton bəyon bıə.

Natığon işorəşon kardə ki Yolə Peyğəmbəron(s) çı sulhi xəbə varde kəson bin.

İjən ğeyd be ki dəvardəyonku vey cəmaət ısətnə dınyoədə bə sulh iyən oroməti ehtiyocışe.

Im mərosimədə həmçınin Həzrəte Muhəmməd Mustəfa(s) və Əhle Beyte İsmət və Təharəti sıtoyeşədə çı Azərbaycan Respublika şairon şer handışone.