Bə Erməniston-Azərbaycan Respublika mıştərəkə marz, Avropa ittifoği tərəfo 40 nəfər nəzorətçi vığandə bəy
Zinə Avropa ittifoğ bə Erməniston-Azərbaycan Respublika mıştərəkə marzi nəzorət kardey xoto, de 40 nəfər nəzorətçi vığandey muvafiğətış karde.
Qıləy holədə ım xəbə muntəşir bıə ki marzi məntəğəonədə, 2 qılə kişvəri hamsuyə yəni Erməniston və Azərbaycan Respublika miyono həmçınan daveon bərğərore.2 qılə kişvər ıştən tojə daveonədə, ki bois bıə 155 nəfər kıştə bıbun, de otəşbasti muvafiğətışon kardə.
Tojədən Ermənistoni mudafiə vəzarətxonə, Azərbaycan Respublika mıttəhəmış kardə ki marzi xəttonədə və bə Ermənistoni hərbiçion mıvğiyəti həmləş kardə iyən otəş basti darşiyəşe.
Azərbaycan Respublika həm çəy əvəz Erməni tərəfə hərbiçion bə ım kişvəri qullə ğandey mıttəhəmış karde.
Bə İrna raporti əsos, ki Associated Pressiku nəğlış kardə, Avropa ittifoğ ıştə bəyoniyədə nıvıştəşe: ım naziron həmmə cəhdışon heste ki 2 qılə hamsuyə iyən hucuməkə kişvəron yəni Erməniston və Azərbaycan Respublika miyono etemod soxteyro ,2 manqə məmuriyəti ğolibədə bə məntəğə vığandə bəben.
Bə həminə bəyoniyə əsos, Avropa nəzorətçiyon bə marzi komissiya ki Miladi cari sori əvvəliku icod bıə, komək bəkarde ta İrəvan və Boku marzi niqəronion mıvzoon həl bıbun.
De Rusiyə vositəçiyəti, Sentiyabrə manqi 12 tosə 14 minnə rujədə, Azərbaycan Respublika iyən Ermənistoni miyono daveon bə zəifə otəşbasti dast peydo kardey əlovə bıə və har tərəf co tərəfi mıttəhəm kardedə.
