Ərdoğan təkidış karde: İ Bıə Milləton təşkilatədə Tırkiyə əktivə roli ifo kardeydə

Tırkiyə president iddioş kardə ki çəy kişvər İ Bıə Milləton Təşkilatədə bə inkişof rəseyro mısbətə roli ifo kardeydə və ım beynəlxalğə təşkilatiku bəştə himoyə iyən mudafiə dəvom bədoy.

Ankaraku bə Anatoli aqentiyəti raporti əsos, Rəcəb Təyyeb Ərdoğan bə İ Bıə Milləton Təşkilati təsisi 77 minnə sori sorəqardış iyən Oktiyabrə manqi 24 minnə rujədə ım Təşkilati ruji xoto, qıləy bəyoniyə ğolibədə iddioş kardə: Tırkiyə əcumlə həmonə kişvərone ki de İ Bıə Milləton Təşkilat vey həssosə həmkoətion ıştəniku nışo doəşe, və eyne holədə ım beynəlxalğə təşkilatədə və sulh, əmniyyət, insoni həxon və stabilə inkişofin baxşədə, qıləy bə nav şə rolış heste.

Ərdoğan ım bəyoniyə co qılə baxşədə əlovəş karde: Tırkiyə bənə beynəlxalğə ictimaiyəti uzv, daveon vəy qəteyro, məntəğədə stabiləti oqətey iyən çəyku bəpeyro cəhd kardedə, bə veyə cəhdon əsos, ki de İ Bıə Milləton Təşkilati sərkatib, Antoniyo Qutreşi həmkoəti əncom bıə, Siyohə dıyo royku bə həmmə dınyo taxel ixracati zəminə icod kardemone.

Tırkiyə prezident həmçınin de humanistə diplomatiya bəyon kardey iddeoş be ki, dınyoədə, Tırkiyə bənə dustanə koməkon vey yolə baxşey, bəştə milli bəromə əsos, İ Bıə Milləton Təşkilatədə əktivə roli ifo kardeydə.

Qıləy holədə Im sıxənon bəyon bıə ki deşəmbə rujədə İ Bıə Milləton Təşkilati bəşər həxon təşkilat, bə Tırkiyədə bıə miqranton tələbi xoto çı Suri avarə bıə şahrvandonvəziyəti  de şiddəton tənğidış kardə be.