Rəyisi: həmmə tərəfiyə rabitəon hevujətiro, İron və Tırkiyə veyə zəminəon soybin.

İron İslam Respublika prezident, qıləy mesaji ğolibədə, bə Tırkiyə prezident, ım kişvəri milli ruji təbrik votışe iyən təkidış karde: həmmə tərəfiyə rabitəon hevujətiro, İron və Tırkiyə veyə zəminəon soybin.

Oktiyabrə manqi 29 minnə ruj de Abanə manqi 7 minnə ruj, de Miladi 1923 minnə rujədə bıə Tırkiyə Respublika elonnomə yolqətey ruje ki bənə Tırkiyə Respublika milli ruj nom noə bıə.

İron İslam Respublika prezident, Sed İbrahim Rəyisi, Tırkiyə Respublika milli ruji rəsey bə ım kişvəri prezident, Rəcəb Təyyeb Ərdoğan təbrik votışe iyən təsdiğış karde: İron İslam Respublika iyən Tırkiyə bənə 2 qılə mıstəğil iyən de unilateralizmi muxalifə kişvəronin və bə kanə hamsuyə rabitəon xoto, həmmə rabitəon hevujətiro veyə zəminəon soybin.

Bə İrna raporti əsos, Rəyisi ijən əlovəş karde: həmkoəti dırozə komilə bərnomə icra beyro, 2 qılə kişvəri ciddi irodə, 2 qılə kişvəri dəşokney mıhkəm kardey iyən hədəfon bə vırə rosniye və mıştərəkə mənafeonro, ruşnə planon kəşedə.