Ukrayna barədə Rusiyə iyən Tırkiyə xarıci vəziron telefoniyə votımon

Kali mənbəon raportışon do ki Rusiyə iyən Tırkiyə xarıci vəziron Ukrayna oxonə təhəvulaton barədə de yande votımonışon kardə.

Bə İrna raporti əsos ki Rosiya Əlyəomiku nəğlış kardə Telefoniyə votımonədə, Mıvlod Çavoş Oğlo iyən Serqey Lavrof Ukrayna oxonə təhəvulaton barədə sıhbətışon kardə.

Bə həminə raporti əsos, Tırkiyə və Rusiyə xarıci vəziron, Ukrayna taxıl ixracati vırəbəvırə iyən hoston kardey roon barədə votımonışon kardə.

Tojədən Rusiyə mudafiə vəzarətxonə elanış karde ki Ukrayna taxıl ixracati təvafuğədə, həmkoəti dəvomiro Moskva lozimə qarantiyaon qətəşe və bə ım təvafuği əməl kardən.

Rusiyə mudafiə vəzarətxonə bəyoniyədə omə: de Tırkiyə və beynəlxalğə təşkilati həmkoəti vositə, Ukrayna tərəfiku məktubə qarantiyaon qətə bəy ki Ukrayna bə Rusiyə ələyh hərbi əməliyotiro kaştemoni məhsulon ixracati porton iyən ovoştoniy royku istifodə nıbu, və ım məktub bıə qarantiya bə mıştərəkə həmohənqi mərkəz(JCC) doə bıə.

Im bəyoniyə əlovəş karde: de rəsmi surətədə, Ukrayna peştıpurətiş doə ki bə "Siyohə dıyo təşəbbusi" maddon və bə JCC prinsipon əsos, ım koridoriku fəğət taxıl ixracatiku istifodə bəbe.

Bə Rusiyə mudafiə vəzarətxonə elani əsos, holihazırədə Moskva tərəfo qətə bıə qarantiyaon kifoyət kardə və Ukrayna portonku(Siyohə dıyo təşəbbus)  əmn surəti xorək maddon iyən taxıl nəğliyot, ki de Rusiyə oxonə həmləon tətil bıə be, tojədən ım təvafuğnoməon jiədə bino bıə.