Azərbaycan Respublikaədə anti islami fitnəon barədə, Azəri ruhani reaksiya nışoş do.

Azərbaycan Respublika ruhaniyonku qıləyni, Şeyx Musa Əsədzodə, ım kişvərədə anti İslami fitnəon icod kardeyku hədəf, həxi cəhbə mığubilədə muğavimət kardey zıneydə.

Bə zinə ruji marzi xarıc bıə şıbə muavini Ğəfğaz iyən Miyonə şərği idorə raporti əsos, Azərbaycan Respublika ruhaniyonku qıləyni, Şeyx Musa Əsədzodə, votışe: Azərbaycan Respublikaədə fitnə icodəkəyon təkyə bə ğrbe, həmonə ğərb ki tənəzzul iyən məhv bey holədəy.

Şeyx Musa Əsədzodə ijən votışe: qıləy holədə ki tojə nizomi icod bey şoydimon, və vey kişvəron cəhd kardedən ki ım nizomədə ıştə vırə təyin ko, Azərbaycan Respublika həm bəpe bənə co kişvəron ıştə həmmə cəhdon bıko və de ğərb həm vanq nıbu.

Im Azəri ruhani İlham Əliyefi bə ğədrşınosəti pandış do iyən ım kişvərədə bə sioniston, təkfirion və vəhabon iştiroki işorəş və bə Əliyevi tovsiyəş karde: de imperializmi nokəti vositə, Azərbaycan Respublika vəomey qaranti nibəbe bə çən bəpe icozə nıdomon ki de avanturə siyasəton Azərbaycan Respublika bənə Suriyə kişvər bıbu.

Şeyx Musa Əsədzodə, İlham Əliyevi bə ğərb təkyə kardey xususi Amerkə imtinoş kardə və votışe: hamsuyə kişvəron kənoədə mandedən.

Əsədzodə ıştə sıxənon co qılə baxşədə Azərbaycan Respublika saxət dıvranədə bə İron İslam Respublika koməkon işorəş karde iyən votışe: əmə bəpe muxtəlifə baxşonədə, İron İslam Respublika veyə himoyəon iyən inson dustanə koməkonku ğədrdonti bıkəmon.