Tırkiyədə bıə terroristiyə həmlə, İroni tərəfo məhkum bıə

İroni xarıci vəzarətxonə sıxənəvot, bə Tırkiyə İstanbul şəhri İstiğlol nomo bıə Xiyabonədə, tıpemoni hodisə reaksiya nışoş do iyən ım hodisə ki bə kali beqınohə milləti kışte iyən zəxmin bey bois bıə məhkumış kardə iyən votışe: harcurnə terroristiyə hərəkət ki Tırkiyə millət iyən kişvəri əmniyyəti təhdid ko, de şiddəti məhkum kardedəmon.

Bə İrna raporti əsos, Nasır Kənani təkidış karde: Tırkiyə Respublika bıvə iyən dustə millət və dıvləti kənoədəmon.

İroni diplomatiya təşkilati sıxənəvot ış hodisə kıştə bıə kəsonro İlahi məğfirət iyən rəhmət və həmçınin zəxmin bıə kəsonro şifo tələbış kardə və de Tırkiyə millət iyən dıvlət xususi ğıbonion ailəon ıştə hamdardətiş elan kardə.

Bə İrna raporti əsos, Zinə əsrədə, Tırkiyə İstanbul şəhrədə qıləy terroristiyə hərəkəti cərəyonədə 6 nəfər kıştə iyən 81 nəfər zəxmin bıən.