Bə Ğərəboği məntəğəonro Erməni nomonku istifodə kardey xoto, Azərbaycan Respublika etırazon

Azərbaycan Respublika mudafiə vəzarətxonə bə Rusiyə tərəfo çı Erməni sakin bıə məntəğəonro, "bandiyə Ğərəboğ", "Martakret" və "Martoni" nomonku istifodəş kardey xoto, etırozış kardə.

Qıləy holədə Azərbaycan Respublika Ğərəboği məntəğəonro Erməni nomon muntəşir beyro etırozış kardə ki çımiku bənav, ğərbi mediyaon iyən həmçınin ğərbi barzə rəsmi şəxson xususi Amerkə, Fransə və İnqilis mediyaonədə muntəşir bıə xəbəon iyən de rəsmi planon muntəşir kardey vositə, həmişə Erməni nomonku stifodə kardedən.

Həminə rabitədə hətto Tırkiyə mediyaon ki ıştəni Azərbaycan Respublika ibemoni zıneydən, rəsmi planon muntəşir kardey barədə, Erməniston iyən Azərbaycan Respublika miyono ixtilofinə məntəğəonədə, çand kərə Erməni nomonku istifodışon be.

Im hodisəon qıləy şəroyetədə icod bıən ki Milodi 2003 minnə soriku, İlham Əliyevi dıvləti rəsmi şəxson de veyə xərcon əncom doey, həmmə cəhdışon be ki ğərbədə Azəri lobbi zumand kon.

Boku rəsmi şəxson ijən ozod bıə tojə məntəğəonədə Azəri nomon addi kardeyro, veyə cəhdon əncomışon do. De ım vucud həminə barədə, Boku rəsmi şəxson iyən xususi Azərbaycan Respublika prezident, həmçınan nokum be iyən karde zınəşon nıbe həminə qədə problemi həl ko.

Bə Yeni Musavati rujnomə raporti əsos, Azərbaycan Respublika mudafiə vəzarətxonə bəyoniyədə omə: Rusiyə sulh mərominə ğıvvon ki bə bandiyə Ğərəboği oqətey xoto həmonə vırədə sakin bıən, həmçınon , "bandiyə Ğərəboğ", "Martakret" və "Martoni" nomonku istifode holədən, hol ım ki, Azərbaycan Respublika ım məntəğəonro "Ğərəboği iğtisodi məntəğə", "Ağdərrə" və "Xacəvənd" nomoku istifodə kardedə.

Azərbaycan Respublika mudafiə vəzorətxonə, bandiyə Ğərəboği Erməni sakin bıə kəsoni barədə, Rusiyə mudafiə vəzarətxonə rəsmi bəyoniyədə istifodə bıə nomon, "Erməni pesoxtə bıə nomon bəyonış karde.