Çin iyən Rusiyə miyono əloğəon inkişof iyən nığıləti
Qıle holədə ki Ukrayna canq ijən dəvom kardeydə, Putin iyən Pinq bə Rusiyə iyən Çini miyono həmkoətion inkişofi təkid kardışone.
Bə Avroniyuz sayti raporti əsos, Çin iyən Rusiyə prezidenton tojədən iyən sanksiya və izolasiya problemon həlli çərçivədə bıə 2 tərəfi iclosi oxoədə ki Rusiyə iyən Ukrayna canqi nəticədə icod bıə, təkid kardışone ki Pekin və Maskva miyono bıə əloğəon bəbe nığıl surəti bə inkişof bırəsi.
Rusiyə prezident Veladimier Putin ki tojədən Çini himoyəon xususi hərbi və siloh cəhəto koməkon cəlb kardero bə Çini tərəf cəlb bıə həminə virtual iclosədə votışe: hərbi həmkoəti 2 qılə kişvəri əmniyəti qarantiə əkəy iyən muhimmə məntəğonədə stabileti oqəte bois bəbe.
Putin rəsmən Çini prezident Şi Cİn Pinqiku dəvətış karde ki tojə sorədə bə Rusiyə səfər bıkə.
Çini prezident həm 2 qılə kişvəri miyono bıə tojə dıvrə həmkoətionku ıştə rizoyəti elanış karde və votışe: çəmə mıştərikə rəhbəriyəti jintonədə iyən tojə dıvrədə Çin və Rusiyə komil iyən steratejikə şərikəti çərçivədə həmkoəti iyən əloğəonku tojə fəsl muşahidə bıdə.
