Vey rə əmtəə tərxis kardeyro Azərbaycan Respublika iyən İron İslom Respublika qomrokon miyono həmkoəti
Vey rə əmtəə tərxis kardeyro, Azərbaycan Respublika iyən İron İslom Respublika qomrokon de yande həmkoətişon bəbe.
De Azərbaycan Respublika Xarıci vəzarətxonə iğtisodi muavin iyən İroni qomroki məşvərəti vositə, Azərbaycan Respublika qomrokədə nuyə sori tətilə rujon, 2 rujiku bə 1 ruj kam bıə və marzədə mətəl mandə məhsulon tərxis prosses əncom bıə.
Bə Tele-Rədio aqentiyəti raporti əsos, çand ruj çımiku bənav, kaştemoni məhsulon ixracəkəyonku çand nəfəri vığandə bıə şikilon nışoş do ki İroni şimol Qilon ostanədə Ostoro marzədə kaştemoni ixracati məhsulon kamazon marziku xarıc beyədə, problemoni icod bey xoto, marzon peştədə ım məhsulon mandin ki de kali problemon icodış karde.
İroni qomroki təğibon nışoş do ki bə Milodi nuyə sori tətilatə rujon xoto, Azərbaycan Respublika kişvərədə, marzi qomrokon komil surətədə 2 ruj tətil be iyən hiç curnə xıdməton əcumlə əmtəə tərxis kardey əncom bə ni.
Bə həminə xəbəon əsos, Azərbaycan Respublika kişvərədə marzi qomrokon tətilə rujon iminnə rujədə, məhsulon marziku xarıc bey iyən ozod kardey barədə, bəzi problemon icod bıə.
Bə həminə əsos, Ostara marziku İroni əmtəə xarıc nıbey bəpeşt, İroni qomroki yol, Muhəmməd Rezvanifər, Azərbaycan Respublikaədə bıə İroni səforətxonə və xarıci vəzarətxonə iğtisodi muaviniku təcili təğibon binoş kardə və de Azərbaycan Respublika qomroki rəsmi şəxson həmkoəti iyən muvafiğəti məhsulon tərxis vey rə əncom bıə.
Har ruj Ostoro marzi qomrokiku 170 -180 qılə tranzit maşini iyən kamazon Azərbaycan respublika marziku xaric bıdən.
Ostoro marzi qomrokiku havzəon iyən İroni kaştemoni co məhsulon tərxis təğribən 2 saəti mıddətədə əncom bıdə.
