Ermənistonədə ərazi-ğovmi tojə problemon icod kardeyro Boku hukuməti tojə siyasəton

Azərbaycan Respublika Azərtac rəsmi aqentiyəti çı Ermənıstoniku omə Azəri zıvonə muhacirə şahrvandonku tələbış karde ki yolə oqardımon pesoxtə bıə plani strateqia kəşeyro ıştə təklifon hozzı bıkon.

Yolə oqardımon nomo bıə plan Ermənistoniku 500 həzo Azərion oqordoniye barədəy ki tosə bə ısət bəvon YerAz vote bıdə bin.

De həminə ləğbi, həminə cəmiyəti şəxsiyət iyən rişə bə ğeyr vabəstə bıdə be.

Isət Boku hukumət ıştə dini, ərazi iyən ğovmi cəhəto siyasəton bənav bardeyro və məntəğədə munağişəon şiddətin kardey xoto yolə oqardımon nomo bıə pesoxtə plani barədə qəp jedə.

Bə Azərtac aqentiyəti raporti əsos, həminə dəvətədə jeğo ğeyd bıə ki hozzı kardə bıə təklifon bəpe tosə Yanvari 21 bə sosiol şəbəkəonədə elan bıə adreson vığandə bıbun ta yolə oqardımon nomo bıə plani çərçivədə çəvonku istifodə bıbu.

Yolə oqardımon bənə qıləy iborəti, dəvardə 2 sori mıddətədə Azərbaycan Respublika prezident İlham Əliyevi tərəfo vey kərə elan bıə.

In pesoxtə bıə plan bə sionist rejim, İnqilis və Amerkə hərbi mışoviron tərəfo kəşə xəbisə plani əsos hozzı bıə ta Ermənistoni barədə tojə ğovmi, dini iyən ərazi mınoğişə cəhəto bıbu ki həto bəy istinod karde xoto ın kişvəri cənub məntəğonku de Zənqəzur pesoxtə nomi istifodə bıdə.

İlahm Əliyevi tərəfo jığonə ğovmi behroron icod karde qıləy şəroyetədəy ki hələ Ğərəboğ ya xot laçini barəd ərazi cəhəto mınoğişəon həl bə ni.

Boku dıvlət vey cəhdış kardə ki Laçin karidori dəbastey illət bə ekoloqiya fəalon eterazi xoto elan bıko əmmo bə aqahə mənbəon elani əsos məvuji həminə pesoxtə bıə eterazon de Britaniya qıləy şirkəti təhrikon dəvom kardeydə ta Ğəroboğədə bıə mıs iyən tıle məədənonku istihsoli emtiyazi soyb bıbu.

4 haftəku vey bəbe ki Azərbaycan Respublika de pesoxtə bıə bəhonəon Laçin nomo bıə karidori işğalış kardedə və bə Ğərəboğ sakinon icozə ni bədoy ki bəştə iminnə dərəcədə bıə ehtiyacon dast peydo kon.

Ğərəboğədə məağazaon, nun patə vırəon, dəvo-damon mərkəzon iyən vojoron teyli bıə iyən 120 həzo nəfər cəmiyət əcumlə 9 həzo iflic, 20 həzo piyə mırd iyən jen ijən 3 həzo hırdəni jimon şəroyetə dəhşətin surəti dəvoniye bıdə.