Bə Ğərəboğ məntəğə Ermənistoni ğazi ovoştoniyey ğədəğən be

Azərbaycan Respublika ijən Bə Ğərəboğ bandiyə məntəğə çı Ermənistoni ğazi ovoştoniyey vədə mane icodış kardə.

Bə Tas aqentiyəti raporti əsos, Azərbaycan Respublika hərbiçion de Ermənistoni tərəfo bə Ğərəboğ məntəğə ovoştoniyə bıə qazi vəy qəte ın boon dızdişone.

Zinə çand ruj çimiku bənav həm Azərbaycan Respublika çı Ğərəboğ məntəğə qazi ğətış kardə be.

Çand haftə bəbe ki Azərbaycan Respublika de pesoxtə bıə bəhonəon Laçin nomo bıə karidori işğalış kardedə və bə Ğərəboğ sakinon icozə ni bədoy ki bəştə iminnə dərəcədə bıə ehtiyacon dast peydo kon.

Boku dıvlət vey cəhdış kardə ki Laçin karidori dəbastey illət bə ekoloqiya fəalon eterazi xoto elan bıko əmmo bə aqahə mənbəon elani əsos məvuji həminə pesoxtə bıə eterazon de Britaniya qıləy şirkəti təhrikon dəvom kardeydə ta Ğəroboğədə bıə mıs iyən tıle məədənonku istihsoli emtiyazi soyb bıbu.

Ğərəboğədə məağazaon, nun patə vırəon, dəvo-damon mərkəzon iyən vojoron teyli bıə iyən 120 həzo nəfər cəmiyət əcumlə 9 həzo iflic, 20 həzo piyə mırd iyən jen ijən 3 həzo hırdəni jimon şəroyetə dəhşətin surəti dəvoniye bıdə.