Azərbaycan Respublika İslom partiya yol bə siyasi fəaliyəton dəvomi təkidış karde

Azərbaycan Respublika lider ki 12 sor həbsi bəpeşt tojədən Boku zindoniku ozod bıə votışe: bə dini ictimai və siyasi məsələon bəyon karde xoto həbs bim. Çən çımi bəpeşt həm de çıme həm fikon bə ico bəmanım.

Doktor Muhsen Səmədev təkidış karde ki kişvəri siyasi-ictimai vəziyəti çok beyro bəştə zu ğədər ko bəkam ki Ğərəboğ məsələ çəvonku qıləyni heste.

Azərbaycan Respublika lider əlovəş karde: millət de mənəvi hədəfon iyən dine islomi bəji oqəte karde bəzne ədolət və co hədəfon əməli kardey sahədə muvəffəğ bıbu.

Azərbaycan Respublika islam partiya lider doktor Muhsin Səmədov miladi 2011 minnə sori Yanvarədə bə ın kişvəri məktəbxonəonədə hicobi ğədəğən kardey ğanuni eterozon xoto dastqir və bə 12 sor həbsi məhkum bıə.

Bəşər həxonku mudafiyə kardə kəson hejo çı Azərbaycan Respublika islam partiya lider doktor Muhsen Səmədovi zindoni karde bənə siyasi koy iyən ozodə bəyoni ləğv karde zınıydə bin ki veyni bə ın kişvəri şiəyon təziğ nışo doe cəhətədə heste.

Qeyd kardənine ki zindon və həbs hiç faxt çı Azərbaycan Respublika islam partiya lider doktor Muhsen Səmədovi fəaliyət iyən mubarizəon vədə mane nıbe və əv ijən həbs şəroyetədə bəştə dini və siyasi fəaliyəton dəvom dodə be.