Konstruktivə roy, diplomatiya, həmkoəti iyən ağılmandəti cəhətədə hərəkət kardeye.

İroni xarıci vəzir, Eko təşkiloti xarıci vəziron 26-nə iclosədə bə diplomatiya, həmkoəti iyən ağılmandəti cəhətədə təmərkoz təkidış karde.

Bə İrib raporti əsos, Huseyn Əmirəbdullahiyan çı Avropa anti İron mıdoxiləomizə hərəkəton məhkumış karde və votışe: be şək jıqonə iclosi rəftoron nəticə, Avroparo vey bevəc bəbe, çən dırıstə roy bə diplomatiya, həmkoəti iyən əğlaniyəti təmərkoz kardeye.

Əv ğərbi dıvləton himoyəon jintonədə bə İlahi dinon muğəddəsə prinsiponə be ehtıroməti xususi Kərimə Ğıroni təhğir karde əv həm de ozodə bəyoni bəhonə nadırıst və ğəbul nıkardənin zınəş be və əy məhkumış kardə.

Əv çı EKO təşkiloti çərçivədə bıə 10 qılə kişvəron miyono intiqrasiya fəaliyət və cəhdon bə təğdiri loyğ zınəş be və təkidış be ki ın təşkilot hələ tosə həmmə zərfiyətonku istifodə karde iyən bə hədəfon dast peydo karde vey koon bəpe əncom bıdə.

Əv Eko Təçkiloti muhimmə koy uzv bıə kişvəron miyono və reqional cəhəto ticori rost karde və çəy inkişofi çərçivədə hərəkət bəyonış karde və votışe: uzvon bəpe ıştə miyono ticorəti ozod karde cəhətədə hərəkət bıkon.

İroni xarıci vəzir bə enerji xususi qazi vıjorədə bıə bıhroni işorəş karde və votışe6 ım problemon miyoniku bardeyro çı qazi ixracəkə kişvəron icmae komək və təşəbbusiku istifodə karde bəbe ki EKO məntəğə iştiroki həm şomil bıdə.

Əv bə Əfğanıston bənə EKO Təşkiloti qıləy yolə uzvi işorə iyən ın kişvərədə bə komilə həmmə tərəfinə dıvləti bə miyon varde terroristi əməliyaton vəy qəte, avarəon oqarde iyən narkotik maddon ğaçaği vəy qəte əhəmiyyət iyən lozim bey təkidış karde.