Azərbaycan Respublika hərbi həmləon nəticədə bə Erməniston varid bıə tələfot

Erməniston qıləy raportədə dəvardə sori Sentiyabrə manqədə Azərbaycan Respublika hərbi həmləon nəticədə bə Erməniston varid bıə tələfoti 224 nəfər ğeydış karde.

Bə Armen press sayti raporti əsos, bə tojə təhğiğon əsos iyən Azərbaycan Respublika hərbi həmləon nəticədə iyən Ermənistonədə de həminə həmləon nəticədə varid bıə zərəl-ziyononku muntəşir bıə statestikaon nışo doydə ki 224 nəfər Erməni hərbiçi iyən 3 nəfər ğeyri hərbi dəvardə sori Sentiyabrə manqi təcavuzi nəticədə kıştə bıən.

Bə həminə raporti əsos, 600 nəfər həminə həmlədə zəxmin bıən iyən 100 qılə kə həm xərobə bıən və bə ekoloqiyə xususi vişəon çandə zərəl-ziyon varid bıə.

44  rujə canqi nəticədə ki Erməni və Azəri hərbiçion miyono əncom bıə Ğərəboğiku çand baxş Ermənistoniku co iyən bə Azərbaycan Respublika oqardə bıə.

Milodi 2020 minnə sorədəde, de Rusiyə vositəçoiyəti iyən de təvafuğnoməon ki bə 3tərəfiyə bəyoniyəon məşhur bıə Ğərəboği canq sə be iyən 2 qılə kişvəri miyono bıə dave məntəğəonədə Rusiyə sulh mərominə ğıvvon sakin bıən. ım qrup çand kərə bə Ermənistoni sərzəmini, Azəri hərbiçion bənav şey vəy qətəşon be.

Tojədən de Laçin karidori məsələ ijən Boku-İrəvani miyono behronon bə tojə mərhələ varid bıə.