İron bə Tırkiyə imdodə koməkon vığandeyro hozzıe

İroni prezident Tırkiyədə bə şiddətinə buməlarzə xoto təsliyət və həmdardi mesaji vığandey xoto zinə bə Tırkiyə prezidenti zanqış kardə.

Bə İrib raporti əsos, Seyd İbreym Rəyisi həminə telefoni rabitədə votışe: İron və Tırkiyə bənə hamsuyə və bıvə kişvəri yande kənoədə bımandən və ın saxtə rujonədə 2 qılə millət hokmən bə yande komək bəkan.

Rəyisi çı Tırkiyə fori tələbon bə vırə rosniyero iyən imdodi koməkon vığandey xoto bə İroni hozzoəti təkidış karde ta de Tırkiyə dıvləti tədbiron bə i co çı Tırkiyə milləti dard-ğəmon rə kam bıbun.

Tırkiyə prezident, Rəcəb Təyyeb Ərdoğan həm İroni prezidenti ın telefoni rabitəku ıştə ğədrdonəti elanış karde və votışe :ki jıqonə buməlarzəon çı Tırkiyə 50 sori mıddətədə stajış bə ni.