İron və Rusiyə miyono qumruki təlimi həmkoəti hevujəti

İron və rusiyə qomroki heyəton, 2tərəfiyə təlimi həmkoəti bə inkişof rosniye roon barədə, deyande məşvərətışon kardə.

İron və Rusiyə 2tərəfi baxşonədə xususi iğtisodi, hərbi və əmniyyəti rabitəon və həmçınin məntəğə və beynəlxalğə məsələon barədə bənə de Amerkə unilateralizm muğabilə kardey stratejikə mənafe iştirokışon heste və dəvardə soronədə həminə məsələ 2tərəfə nezə həmkoətion vey muhimmə amilonku qıləyni bə hisob omeydə.

Bə Tele-Rədio aqentiyəti raporti əsos, İron və Rusiyə qomrokon miyono təlimi həmkoətion mığuvilənomə icro bey çərçivədə, zinə Şənbə rujədə Tehronədə qomroki iyən ticori elmi, təlim və təxəssusi icro bıə zərfiyəton və potensiyelonku 2tərəfi çoknə istifodə kardey iminnə iclos bərpo bıə.

Im iclosədə İron və Rusiyə qomroki heyət, ticori muxtəlifə baxşonədə, təlimi iyən mıtoliəon fırsəton icod kardey hədəfi, de dıroz mıddətə roon plani kəşey vositə, elm, məhorəton, təcrubəon iyən imkanatonku istifodə kardey bə koəkəyon istifodə karde təkidışon kardə.

Votey bəbe ki həminə iclosi bə dast omə təvafuğon de Rusiyə qomroki koəkəyon iyən dıvləti xıdmət rosniyə idorə yol, Serqey Xanotin, və İroni qomroki təhğiğon və təlimon mərkəzi yol Səccad Etemadiyan vositə bə imzo rəsə.