Eko uzv bıə kişvəron elmi rabitəon hevujəti əhəmiyyət

Eko elmi təşkilati icroiyə komitə 7minnə iclosədə, bə uzv bıə kişvəron elmi rabitəon hevujəti əhəmiyyət təkid bıə.

Milodi 2023 minnə sori Fevrali 12 iyən 13 minnə sorədə İsfəhon şəhrədə, Eko elmiyə təşkilati icroiyə komitə 7minnə iclos və idorə heyəti 5minnə iclos, de uzv bıə kişvəron rəsmi şəxson, koşınason iyən səfiron iştirok bərpo bıə.

Eko qıləy dıvləton miyono təşkilat bə hisob omeydə ki 10 qılə islomiyə kişvər əcumlə İron, Pakiston, Tırkiyə, Əfğanıston, Azərbaycan Respublika, Tacikiston, Tırkəməniston, Ğəzaxıston, Ğırğizıston iyən Ozbəkiston şomil bəbe.

Eko elmi təşkilat ım təşkilati təxəssusi moəsisəonku şomil bəbe ki bə elm, texnoloqiya iyən təşəbbusi əsos, və de iğtisodi hevujəti hədəf fəaliyət kardedə.

Bə İrna raporti əsos, İsfəhan universitiədə, Eko elmi təşkilati yol, Seyd Komeyl Təyyebi votışe: Eko elmi təşkilati idorə heyəti 5 minnə iclos ım təşkilati elmi fəaliyəton plan kəşey iyən siyasət noey barədə vəoməy 3 sori mıddətiro, məntəğə səthədə İsfəhonədə bərpo bəbe.

Təyyebi ijən bəyonış karde: Eko təşkilat məntəğə iğtisodi bə inkişof rosniyero iyən de təğribən 500 milyon nəfəriro mıştərəkə vıjor icod kardey hədəfi fəaliyət kardedə, əv ijən əlovəş kardə: İron 50 qıləku vey elm iyən texnoloqiya elmi parki soybe ki karde bəzne Miyonə Asiya məntəğədə elmi və texnoloqiya həmkoətion hevujətiro ım zərfiyətonku istifodə bıko.

İsfəhoni universiti yol, Huseyn Hərsic həm ım iclosədə votışe: 20 minnə əsri oxo iyən 21 minnə əsri əvvələdə zumandəti iyən ğudrət ğərbiku bə şərğ səmti hərəkət kardey şoyd hestimon ki de islomi sivilizasiya məntəğə kişvəron miyono, jıqo həmkoətion bə ım zumandəti əlovə bəbe.