İron iyən Azərbaycan Respublika sərhədədə Amerkə səforətxonə məmuri iştirok

Bə rəsə xəbon əsos, Amerkə səforətxonə məmur zinə İron iyən Azərbaycan Respublika sərhədədə iştirok peydoş karde.

Bə Trend aqentiyəti raporti əsos və bə Azərbaycan Respublikaədə bıə Amerkə səforətxonə Tvitter səhifə elani əsos, zinə İron iyən Azərbaycan Respublika sərhədədə Amerkə səforətxonə məmur Hoqo Qoara iştirok peydoş karde iyən sərhəd məntəğəku vindemonış be.

Həminə səhifə mesajədə qeyd bıə ki Qoara Ostoroədə bıə komrok dıvləti kamisiya təsisaton xususi Amerkə tərəfo hədyə doə bıə təchizaton çoknə ko kardey nezico muşahidəş karde.

İlham Əliyev tojədən Azərbaycan Respublika ırazi təmamiyət, istiğlol iyən hakımiyət həxiku Amerkə himoyəon vey muhim bə hisobış varde.

Tojə soronədə Amerkə həmmişə cəhdış kardə ki mərkəzi Asiya və Ğəfğaz məntəğədə nufuzış bıbu ta məntəğədə ıştə siyosəton icra bıkə.